البت صبااااااااااح الطير""

فتاح يااعليم...
ناسا تجدع بالكلام
رزاق ياكريم..
وحروفا تنور فى الظلام..
بي كلمتين..
البت صباح الطير""
ليك السلام..
خمسة حروف غناء
قفلن شباك نزيف..
وتاوقن من باب السماء..
نزلن بردا وسلام
على القلب الحنين..
الفيهو منك
ضلفتين..
للغرااااام...
ياجاية من كتمة العشق البكر
ومتوهطانى بالدخول
فى صباحات الكلام..
الليلة جاييك ذكر
نوبة من الهيام
درويشا اشتراكى الفكر
مابطقع بالحجار
طيور الصباح
ومابصوب نبلتو
على الشوق المنور فى الظلام
بس بيتظاهر دقش
يوم ينحبس الكلام
وماتنسمع
هفهفة جناحاتك دوام
يابت محلقة فالصباحات
والاحلام..
يابت صباح الطير
ليك السلام.................