الخميس، 5 يناير 2012

وشاااااااااااية..بتضاريس مناخية.....!!!

وهم يشيعون (جثمانه) النحيل...
همس احدهم:
هو المرحوم دة مش استاذ جغرافيا..؟؟
ياخى مالو ومال الشبك!!
وكمان استاذ اساس!!؟....
اهالو عليه التراب وتلو على روحه الفاتحة سرا وجهرا.. فى طريق اوبتهم...
همس احدهم:
ياخ شفتو انحشر بسهولة ويسر كيف؟؟
فى ود اللحد!!
ياخ دة زوول مبروك شديد!!
فى سرداق العزاء البسيط ..فى ذلك الحى الشعبي الطرفى....
همس احدهم:
هو اصلا اعتقلوووه ليييييييييي؟؟
الزول دة مابنعرف لييه اى انتماء او نشاط سيااسي!!

وحده(عمر) تلميذه والذى يشاركهم الشارع نفسه فى الحى!!!!
...وقف فى طرف السرداق يبكى بحرقه استاذه.!
وحده كان يعلم ويدرى...
لماذا وكيف ؟
اعتقل ومات استاذه؟؟!!

فقد سمع (المكالمة)!!
التى اجراها (والده)!!؟

بعد ان حكى هو له
ان جارهم الاستاذ قال لهم فى حصة الجغرافيا :-
ان الربيع اجمل فصول السنة!!
وان (الربيع العربي)...
(اجمل ربيع)...
(فاستعدو لقدومه)ياطلاب!!!!؟

ليست هناك تعليقات:

إرسال تعليق